Ferroforma 2015 Sariak

“2015EKO PRODUKTU BERRITZAILEENAK” SARIETARAKO DEIALDIA

Ferroforma 2015ek, C de Comunicaciónekin batera, “Ferroforma 2015 Sariak burdingintza, brikolaje eta hornikuntza industrialaren sektoreetako produktuen eta marken berrikuntzari” deialdia egin du. Finalistak eta irabazleak aurkezturiko hautagaitzak aintzat hartuta aukeratuko ditu epaimahaiak, banaketa-erakunde nagusiko erosleek osatuko dutena; horiek, era berean, Ferroformako ABTko kideek aukeratu dituzte, C de Comunicaciónek proposatuta.

Ondoko kategoriak izango dira:

• Produktu berritzaileena burdingintzan
• Produktu berritzaileena brikolajean
• Produktu berritzaileena hornikuntza industrialean
• Enpresa erakusketari onena

SAKATU HEMEN ZURE HAUTAGAITZA AURKESTEKO

SARIEN OINARRIAK

• Hautagaitzak Ferroforma 2015eko erakusketari guztiek aurkeztu ahal izango dituzte, baldin eta azokan parte hartzeko izen-ematea eta produktu hautagaien aurkezpena 2015eko apirilaren 20a baino lehen formalizatu badituzte.
• Enpresak kategoria batera, bira edo guztietara aurkez daitezke, produktu bakar batekin bakoitzean.
• Enpresa parte-hartzaileek, hautagaitzarekin batera, txosten bat aurkeztu beharko dute egoki deritzeten merituak eta, badagokio, aurkezturiko produktuaren lagin bat barne. (Dokumentu estandarra idatziko da enpresak bete dezan).
• Material guztia 2015eko apirilaren 20a baino lehen egon beharko da hautaketa-epaimahaiaren (Aholkularitza Batzorde Teknikoko kideek osatua) eskura.
• Finalisten hautaketa eta argitalpena 2015eko maiatzaren 4 eta 15 bitartean egingo da, eta gehienez hiru izango dira kategoria bakoitzean.
• Epaimahaiak (erosketa zentral eta taldeetako, kooperatibetako, brikolaje-zentroetako eta abarretako zuzendari komertzialek eta erosketaburuek osatua) azoka ireki aurreko egunean aukeratuko ditu irabazleak, eta lehen egunaren bukaeran emango ditu ezagutzera sektoreko VIPak bildu eta koktel bat eskainiko duen ekitaldian.
• Epaimahaien erabakiak apelaezinak izango dira.
• Finalista guztiak “Berrikuntzaren Galeria”n izango dira, azokako pabiloietan lehentasunezko leku baten jarrita.
• Irabazleek garaikur, plaka edo diploma bat jasoko dute Aholkularitza Batzorde Teknikoko kide baten edota BECren goi-ordezkari baten edota Ferroforma 2015en Zuzendariaren eskutik.